საქართველოს პრემიერ-მინისტრი ირაკლი კობახიძე თურქმენეთის პრეზიდენტ სერდარ ბერდიმუჰამედოვს შეხვდა

შეხვედრაზე მხარეებმა განიხილეს ორ ქვეყანას შორის არსებული პოლიტიკური და ეკონომიკური ურთიერთობები. განსაკუთრებული ყურადღება დაეთმო სატრანზიტო-ლოგისტიკური მიმართულებით თანამშრომლობის გაღრმავებას, მათ შორის — შუა დერეფნის მეშვეობით ცენტრალური აზიიდან საქართველოს საზღვაო პორტების მიმართულებით დამატებითი ტვირთების მოზიდვის პოტენციალს.

 

პრემიერ-მინისტრმა გამოთქვა მზადყოფნა, რომ საქართველომ ხელი შეუწყოს თურქმენული გაზის საქართველოს ტერიტორიის გავლით ტრანსპორტირებას.

 

ირაკლი კობახიძემ თურქმენეთის პრეზიდენტს მადლობა გადაუხადა საქართველოს ტერიტორიული მთლიანობისა და სუვერენიტეტის, ასევე ოკუპირებული ტერიტორიების არაღიარების პოლიტიკის მხარდაჭერისთვის.

 

მხარეებმა გამოთქვეს მზადყოფნა, გააღრმავონ თანამშრომლობა როგორც ორმხრივ, ასევე მრავალმხრივ ფორმატებში.

 

შეხვედრის დასასრულს ირაკლი კობახიძემ სერდარ ბერდიმუჰამედოვი ოფიციალური ვიზიტით საქართველოში მოიწვია.